Author Archives: M.A.D. LIGAYA
“BILBILingly Yours”
Pilit pumupulupot sa aking baywang
Habang buhay yata akong didikitan
Kahit anong gawin ayaw akong iwan
O BILBIL pakiusap ako’y tantanan
BILBIL MO:
Di nga ba’t tayong dalawa’y nagsumpaanNa magpakaylanman ay walang iwanan
Sa kabilang buhay man ika’y susundan
Akong BILBIL mo’y h’wag nang ipagtabuyan
ISANG PAGTANGGAP:
Mahirap man ay dapat ko nang amininMasakit man ay dapat ko nang tangapin
Sinikap ko ngunit ano man ang gawin
Ikaw oh BILBIL ‘di na kayang tanggalin
ISANG PANGAKO:
BILBIL pangako ko’y iyong panghawakan
Tanggap kita’t ‘di na ipagtatabuyan
Nangangakong kita’y pangangalagaan
Katakawang taglay ko’y ‘di na pipigilan
TUGON NG BILBIL MO:
Pangako mong iyan ‘di ko lilimutin
Si DIET sana ay h’wag mo nang isipin
Kung tawagin kang CHUBBY iyong dedmahin
Ipagmalaking ikaw ay tabatsingtsing
Masaya Ka Na
(Inspired by Ed Sheeran’s “Happier”)
Dati nating tagpua’y aking pinuntahan
Nakitang kamay mo’y mahigpit n’yang tangan
Kamakailan lamang nang ako’y iwanan
Kagyat kapalit ko’y iyong natagpuan
Mula sa malayo kayo’y pinagmasdan
Tila kay saya ninyong nagkukwentuhan
Nais mo bang aking tanggapin na lamang
Na kay bilis mong ako’y kinalimutan
Nagbubulungan kayo’t nagtatawanan
Puso’y hinagupit ng panghihinayang
Kasiyahan ninyong walang mapagsidlan
Animo’y krus ng kalbaryong aking pinasan
Kamay ko’y binitawa’t ika’y umalis
Dahil damdamin mo’y nasaktan ng labis
Ngunit umaasang iyong malilirip
Pagmamahal ko’y walang makahihigit
Masaya ka na ngang iba ang kapiling
Nakakalungkot ma’y aking tatanggapin
Nasasaktan ma’y akin ding aaminin
Nahihirapan akong ika’y limutin
Saan man magpunta’t ano man ang gawin
Ala-ala mo’y ayaw akong palayain
Anino itong nakabuntot sa akin
Aking naaaninag kahit pa madilim
Masaya ka na… paano naman ako
Kaligayahan ko’y nanggagaling sa ‘yo
Nasa bisig mo ang aking paraiso
Kung wala ka ay ‘di iinog ang mundo
Kung ang sayang iya’y panandalian lang
Kung sa bandang huli ika’y masasaktan
Huwag magatubiling ako’y balikan
Puso ko’y katukin kita’y pagbubuksan
Cholesterol Hub
May lugar sa ating mga baya’t siyudad“Cholesterol hub” ang dapat na ibansag
Kung mataas (Gets mo ‘to…) ang iyong “high blood”
Payo ko sa iyo huwag ka doong maglakad
Kasi doon maraming abnoy at bugok
Nakahalo sa mga penoy at balut
Kapag nakita ika’y mapapalunok
Mataas na “high blood” mo tiyak malilimot
At may pinipiritong balat ng manok
Kung gusto mo naman balat ng pork
Sige lang manong lamon basta may gamot
Tikman mo na rin masarap na hepalog
Kwek-kwek… sige baka gusto mong subukan
Sagana sa calories bawat piraso niyan
IUD, adidas, helmet… hala tikman
Basta ba fully-paid na ang life insurance
Sa “cholesterol hub” patuloy maglakad
May makikitang nakahaing “betamax”
Ito ay “curdled chicken or pork blood”
May balun-balunan din o chicken gizzard
Ateng, kuyang…rayuma din ay isipin
Chicharong bituka huwag nang amuyin
Sa atay at baga – umiwas ng tingin
Magturo na lang ng ibang iihawin
Suggestion lang fish balls na lang ang tusukin
Isawsaw sa sukang may sili’t maasim
Safe din ang kikiam, iyong subukin
At kapag nauhaw suka ay higupin
Isa-isip ang high blood pati uric acid
Para mas safe, ang ipaihaw mo’y pusit
H’wag ng maglaway sa pang-takeout na sisig
Iwasan din – long-legged na day-old chick
Ashed
The fire ceased to burn –
Doused with indifference
Drenched in disregard
I sifted through the fireplace
I lovingly built in your heart
Combed it for dying embers
I sifted through and through.
Hoping to find a flicker,
Hoping to blow upon it a whisper
And cover it with dried leaves and twigs.
Hoping the flame grows taller,
And burn my anguish and grief.
I sifted more and more.
There was nothing but ashes –
Ashes of guilt and regrets –
Ashes that the wind refuse to blow away.
T A K D A
(A Short Story in Filipino)
Hindi tinanggap ni Alfred ang paliwanag ko na ang tao ang gumagawa ng sarili niyang tadhana’t kapalaran. Ang kalahatan ng mga desisyong ginagawa ng isang tao sa buhay ay magdidikta sa kanyang kakahinatnan at s’ya ring huhubog sa kanyang kinbukasan. Sa sinabi kong iyon ay kinwestyon ng aking kapatid ang pagiging Kristyano ko. Bakit hindi daw ako naniniwala na bago pa man isilang ang tao ay may kapalarang nakaguhit na sa kanyang palad. Naniniwala ang kapatid ko na ang Panginoong Diyos ang nagtatakda nito. Para sa kanya ay nang ang tao’y isilang sinimulang pagulungin ng Lumikha ang gulong ng kanyang kapalaran. Hindi raw kayang pigilin ng tao ang pagikot ng gulong ng kanyang palad, minsa’y papaibabaw siya’t minsan nama’y papailalim.
At nangyari ang isang trahedya sa kayang pamilya…
At sa pagkakataong iyon ay pwedeng sabihin ni Alfred na tila natumbok sya’t nagulungan ng gulong…
View original post 56 more words
Katangi-tangi Ka
(Inspired by Ed Sheeran’s “Perfect”)
May gatas pa sa labi’t salat sa isip
Nang sa puso ay may damdaming gumuhit
Wala pang muwang kaya noo’y ‘di batid
Iyon pala kung tawagin ay pag-ibig
At ngayo’y aking nang naiintindihan
Kamay mo ay hindi ko na bibitawan
Pakiusap h’wag mo akong iiwanan
Pag-ibig mo ang tangi kong kayaman
Ngalan mo’y nakaguhit sa aking palad
Ika’y katuparan ng aking pangarap
Katangi-tangi ka at walang katulad
Pakiwari ko’y ‘di ako karapat-dapat
Katangi-tangi’t walang makahihigit
Marilag ka’t tunay na kaibig-ibig
Ikaw ay isang anghel galing sa langit
At ako’y alipin ng taglay mong akit
Mapalad ako’t pinili mong ibigin
At sinamahan sa daang tatahakin
Sa anomang pagsubok na haharapin
Mahigpit ka lang na humawak sa akin
Halina’t sa damuhan kita’y dadalhin
Doon hayaang mahigpit kang yakapin
Indak ng pag-ibig ay ating sayawin
Himig ng puso sabay nating awitin
Ang Good News ni Misis
“Matutuwa ka sa ibabalita ko!”
Ang wika sa text ng kabiyak ni Pedro
Kaya’t nang matapos ang kanyang trabaho
Buong pananabik na umuwi ito
“Honey ano ba ang ibabalita mo?”
Ang kaagad na tanong sa misis nito.
At ang sagot – “Magiging tatlo na tayo.”
At Pedro’y sumigaw, “Yes tatay na ako!”
“Teka muna sweetie, ika’y maghinay-hinay.
I don’t mean na ikaw na’y magiging tatay
Tayo’y magiging tatlo dito sa bahay
Kasi dito titira ang aking nanay.”
