Pag-ibig… matamis sa tubo kumatas
Parang pulot na sa pukyuta’y nalagas
Galak na dulot nito’y walang katumbas
Nanaising ang saya’y di na magwakas

Ngunit pag-ibig… may katas na mapait
Para itong kapeng walang halong tamis
Ang magmahal may kaakibat na sakit
Kung sa pagsuyo… pagsubok hahagupit

Isiping pag-ibig… kapeng hihigupin
Kape’t minatamis dapat paghaluin
Hindi pwedeng saya lang ang pipiliin
Darating na lungkot puso’y kukurutin

Puso’y hinati sa ligaya at hapis
Asukal at kape… ganyan ang pag-ibig