Tadhana

tadhanaSuriin mo  sandali ang iyong buhay
Nagsikhay ka ba’t nakamit ang tagumpay?
O nabigo ka’t ngayo’y lunod sa lumbay.
Iya’y tadhana mong ikaw ang nagpanday.

H’wag mong isisi sa guhit mo sa palad
Kung sa kabiguan ikaw ay nasadlak
Timon ng bangka mo ikaw ang may hawak
Tangan mo din ang lubid ng iyong layag.

H’wag umangkas sa gulong ng kapalaran
Baka pag-ikot nito ika’y magulungan
Swerte’y h’wag hintayin baka ‘di ka datnan
Likhain ito sa sariling hulmahan.

Kakahinatnan mo h’wag sa baraha silipin
Buhay ay ‘di sugal h’wag mong balasahin
Talino’t lakas pangukit  na gamitin
Sa tadhanang sa bato dapat lilukin.

Sa mga tala’y h’wag ibulong ang hiling
Wala silang tenga upang ika’y dinggin
Manapa’y sa Panginoon manalangin
Tulungan kang pangarap ay iyong kamtin.

Tadhana’y h’wag sa bolang kristal silipin
Manghuhula’y h’wag hayaang ika’y bolahin
Tadhana mo’y kuwentong iyong susulatin
Sarili mong pluma ang dapat na gamitin

Kaya’t mga desisyon na ‘yong gagawin
Pag-isipang  maayos, h’wag madaliin
Bawat anggulo ay dapat mong silipin
Ligaya’t tagumpay mo dapat tiyakin.

  1. renxkyoko | July 7, 2015 at 3:50 pm

    The words are too deep for me to understand. I wish I knew more.

    Like

    Reply
    • Hardpen | July 8, 2015 at 1:50 am

      Hi Ren! Which words in particular? You were born here but left when you were 6 so you didn’t have a chance to learn more Filipino words.

      Like

      Reply
      • renxkyoko | July 8, 2015 at 5:50 am

        Almost all the words you used here, unfortunately. I don’t even know the meaning of the title. Do Filipinos use these words in normal conversation ? I can speak conversational Filipino. I

        Like

  2. Hardpen | July 8, 2015 at 2:22 pm

    Most of the words I used are common ones used in normal conversation in Filipino. Although I wove some parts idiomatically which may appear difficult to understand to those whose vocabulary in Filipino is limited. What for some maybe considered uncommon are the words nagsikhay (work hard), lumbay (sadness), nasadlak (fall into disgrace or shame), timon (rudder), layag (sail) and pisi (string or cord). Tadhana in English is destiny and pandayin to shape. The poem is basically about shaping our own destiny leaving nothing to chance and not relying on luck.

    Like

    Reply
  3. pinoytransplant | July 14, 2015 at 2:38 am

    Dapat tayong maging “ang panday.” Pwede ring “vulcanizer” – nagkukumpuni ng ating gulong ng palad. 🙂

    Naibigan ko ang iyong tula kabayan.Napadaan lang po.

    Like

    Reply

  1. Pingback: Tadhana’y Pandayin | HARDPEN'S JOURNAL

Leave a comment