Advertisements

Ang Project Ni Juan

father´s dayTanghali noon sa bahay ni mang Teban
Humahangos pauwi anak na si Juan
“Pahingi po ng isang libo’t limang daan.”
Ani Juan sa amang tila nagulantang

“One five ba kamo? Aba’y ang laki naman!
“Eh itay para po sa project namin ‘yan.”
“Bigyan mo na Teban,” ani aling Bebang
“Requirement yan sa kanilang paaralan.”

“Tatlong projects po itong nasa listahan,
Para sa parts of speech po eh one thousand,
Sa sentence construction po ay dalawang daan,
Subject-verb agreement eh three hundred naman.”

“Mukhang ang hirap anak ng inyong project.
Ano ba kamo iyong una… parts ob ispets?”
“Opo, gamit para makabuo ng phrases
Gamit din para sa clauses at sentences.”

“Parts ob ispets pala’y parang mga piyesa
Ani aling Bebang sa anak na kahunta,
O Teban bigyan mo na si Juan ng pera,
Dagdagan mo ng may pambili siya ng meryenda.”

“O heto anak.” Lumapit sa tatay si Juan.
“Ha, itay naman bakit po isang daan.”
“Libro lang sa English ang kaylangan mo Juan,
Doon sa Recto… maghanap ka ng 2nd hand.”

Advertisements
%d bloggers like this: