Advertisements

Ang Banal na Tupa

(Sa Piling Ng Mga Hayop – 3)

sheep

Mga katoto ako’y  pahintulutan
Tungkol sa HAYOP muli kayong kuwentuhan
Ito ay HAYOP na aking nasumpungan
Sa isang gubat na aking pinasyalan

HAYOP  na ngayo’y ating paguusapan
Ay isang tupang sa aki’y gumulantang
TUPA kasi sa aking pagkakaalam
Ay HAYOP na simbolo ng kaamuan

Itong TUPANG ating pinaguusapan
Doon sa KUWEBANG BANAL nanunuluyan
Pagkat piniling BATHALA’y  paglingkuran
Ang TUPA nga’y alagad ng kabanalan

Mga TUPANG kay BATHALA naglilingkod
Huwaran sa pagsasalita’t pagkilos
Madaling lapitan ‘di nakakatakot
Pag-uugali’y hindi nakakayamot

Ngunit mga katoto ako ay nagulat
Dahil dito sa kinasadlakang gubat
Mga HAYOP na TUPA lintik bumanat
Aakalain mong LOBO ang kaharap

Itong TUPANG sentro ng aking kuwento
Ubod ng tabil animo’y isang LORO
Salitang lumalabas sa bibig nito
Ay nakapapanliit ng pagkatao

Ugali ng TUPA… kay hirap mawari
Kapag umasta akala mo ay hari
Siya ang dapat na makakapangyari
Tila hindi marunong maghunos-dili

TUPANG ito’y parang UNGGOY… matampuhin
Kapag nasalubong mo at ‘di napansin
Kapag nakaligtaang siya’y batiin
Asahan na ika’y kanyang sisitahin

Bakit? Porke ba siya’y HAYOP na TUPA,
Na nakatira sa  BANAL NA KUWEBA,
Obligasyon ng makakasalubong n’ya,
Na pansinin… batiin… pagmanuhan s’ya?

TUPANG ito  ay matamang kilatisin
Isa bang Padre Damaso in the making?
At ang tanong na dapat niyang sagutin –
“Hey… are you a sheep or a wolf in sheep’s clothing?”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: