Blog Archives
Sa Alon Ng Pagsubok
Kapag umibig ka’t ‘di na makaiwas
Tiyaking handa’t kalooba’y matatag
Pagkat ang umibig parang naglalayag
Sa ganda’t panganib na hatid ng dagat.
Ihanda mo ang sagwan, layag mo’t katig.
Punuin mo ng tibay ang iyong dibdib.
Tandaan na pag-ibig dagat ay kawangis,
Ito’y sala sa lamig, sala sa init.
Sa duyan ng alon ikaw ay sumabay,
Tataas… bababa habang naglalakbay,
Tiyakin lamang na katig ay matibay,
Hampasin man ng alon ay’ di bibigay.
At kapag alon ma’y malakas ang hampas,
Kamay ng sinta’y hawakan, h’wag kakalas,
Tumingala sa langit sa Kanya’y tumawag…
Ang pagsubok ng alon tiyak na lilipas.
At kapag kamay mo’y kanyang binitiwan…
Kung pag-ibig n’ya’y bangkang sa tibay kulang,
Katig sa dibdib mo’y mahigpit hawakan
Lumangoy kang pabalik doon sa pampang.
H’wag hayaan na ikaw ay malunod!
H’wag pagagapi sa alon ng pagsubok!
Muling magmahal, muli kang pumalaot
Dagat papanatag matapos ang unos.
Ang Supportive Na Misis
Isang hapon sa kanilang tarangkahan
Nilapitan ng asawa si Mang Teban
“Oh darling, bakit wala kang kibo diyan.
Hmm… mukha yatang meron kang dinaramdam”
“Naku honey, huwag mo akong pansinin.
Ano man ang problema ko’y… kakayanin”
“Mag-asawa tayo Teban. Di ba darling?”
Kaya ang problema mo’y problema ko rin.
“Kaya Teban, pwede bang sabihin mo na.
Huwag mong solohin, ako’y iyong asawa.
Sige na… ano ba ang ating problema?”
“Honey… buntis si Inday… tayo ang ama.”
Puting Buhok
Paguwi ni Pedro galing paaralan
Nadaanan ang nanay sa tarangkahan
“Pedro, bihis na’t, dito ako’y balikan
Bilisan mo’t ako’y bunutan ng uban.”
“Ina, may puting buhok na pala kayo.”
Wika sa nanay ng nakangising Pedro.
“Hoy Pedro! Magtigil ka’t kasalan mo.
Kung bakit pumuputi na ang buhok ko.”
“Sa bawat katangahan ng anak nila
Pumuputi ang isang buhok ng ina”
At ang sagot ni Pedo – “Ay… kaya pala
Puro puti na mga buhok ni lola”
ANALYSIS PARALYSIS
You’re very intelligent.
Very smart.
Really?
You can drag a topic in a discussion,
To the core of its foundations.
Historical.
Philosophical.
Sociological.
Psychological.
Legal.
And yeah –
Including economics.
The fine prints you never miss.
You’re very intelligent.
Very smart.
Hmm.
You make arguments go round and round.
You run round in circles!
You philosophize till death.
You scrutinize all matters
Even the simplest.
You investigate –
From sunrise to sunset,
From dusk till dawn!
You use all available isms as your lens.
But what?
You find no answers.
No solutions.
No compromise.
Stalemate!
You make no decisions.
Your high IQ –
Paralyzes you!
You’re very intelligent.
Very smart!
Yet you fail to realize this –
All it takes is COMMON SENSE
To understand life.
All you need is COMMON SENSE
To comprehend
The mysteries of the universe.
One-sided
I love you.
I worship you.
Like a goddess.
My heart,
Mind,
Soul…
Your pedestal.
I care for no one but you.
I dream of a world where there’s only you and me.
Together.
Forever.
And you?
I feel needed.
Not loved.
You never loved me.
You never cared…
Never dreamt about you and me.
There’s no us.
There’s only you.
Your wants.
Your needs.
Your whims.
Your fancies.
You’re so in love.
With…
Yourself!
Me?
Loved me?
You never did.
Never will.
Perpekto Ka Ba?
Kahit walang kwenta pilit pinapansin
Walang kabagay-bagay ay pupunahin
Kaunting kibot ika’y may sasabihin
Animo’y perpekto ka’t ubod ng galing
Mala-artista ba ang tindig mo’t hubog
Kaya’t mahilig kang mamintas at bumatikos
Ikaw ba’y sobrang matino’t maaayos
Kaya’t pinapansin bawat maling kilos
At ikaw man ng ganda’y nabiyayaan
Ang mamintas ay hindi mo karapatan
Nuknukan ka man ng talino at yaman
Dangal ng kapwa’y hindi pwedeng yapakan
H’wag ipagyabang talino mo’t yaman
Kursong tinapos h’wag ipangalandakan
Ganda mong taglay sanay h’wag ipagyabang
Dahil sa pagtanda mo’y kukupas din yan
Tandaang kukupas ganda’t kakisigan
Pagtanda’y ‘di mapipigil ng iyong yaman
Matalino ka man at sikat na paham
Ika’y babalik sa abong pinanggalingan
Bisyo
Hindi ako naninigarilyo.
Lalong hindi ako lasingero.
Sa sugal – hindi ako mahilig.
Hindi rin ako adik.
Iisa lang ang aking bisyo…
Ikaw!
Bakit hindi kita pagsawaan?
Hindi makalimutan.
Parang bisyo…
Kay hirap iwasan.
Para kang putahe ng ulam,
Na nang aking matikman –
Lalo akong nagutom.
Tubig na nang aking mainom,
Hindi natighaw
Ang aking uhaw.
Swabe kang magmahal.
Kung ika’y humalik –
Ubod ng tamis.
Kay higpit mong yumakap
Ang tama mo’y kay sarap.
Para kang alak,
Kay sarap mong tunggain.
Gustong-gusto kong sa iyo malasing.
Para kang sigarilyong kay sarap hithitin.
Para kang damo.
Kay tindi mong tumama.
Parang bato.
Delikado.
Mahal.
Bawal.
Okay lang na makulong.
Basta’t bisig mo ang rehas.
Susugal ako sa iyo.
Sige –
Hala!
Puso ko’y balasahin mo na.
Sigurista ka ba?
Ako?
Oo!
Walang katalo-talo!
Sino man kasi ang mahalin mo…
Tiyak panalo.
