Blog Archives
Ashed
The fire ceased to burn –
Doused with indifference
Drenched in disregard
I sifted through the fireplace
I lovingly built in your heart
Combed it for dying embers
I sifted through and through.
Hoping to find a flicker,
Hoping to blow upon it a whisper
And cover it with dried leaves and twigs.
Hoping the flame grows taller,
And burn my anguish and grief.
I sifted more and more.
There was nothing but ashes –
Ashes of guilt and regrets –
Ashes that the wind refuse to blow away.
Katangi-tangi Ka
(Inspired by Ed Sheeran’s “Perfect”)
May gatas pa sa labi’t salat sa isip
Nang sa puso ay may damdaming gumuhit
Wala pang muwang kaya noo’y ‘di batid
Iyon pala kung tawagin ay pag-ibig
At ngayo’y aking nang naiintindihan
Kamay mo ay hindi ko na bibitawan
Pakiusap h’wag mo akong iiwanan
Pag-ibig mo ang tangi kong kayaman
Ngalan mo’y nakaguhit sa aking palad
Ika’y katuparan ng aking pangarap
Katangi-tangi ka at walang katulad
Pakiwari ko’y ‘di ako karapat-dapat
Katangi-tangi’t walang makahihigit
Marilag ka’t tunay na kaibig-ibig
Ikaw ay isang anghel galing sa langit
At ako’y alipin ng taglay mong akit
Mapalad ako’t pinili mong ibigin
At sinamahan sa daang tatahakin
Sa anomang pagsubok na haharapin
Mahigpit ka lang na humawak sa akin
Halina’t sa damuhan kita’y dadalhin
Doon hayaang mahigpit kang yakapin
Indak ng pag-ibig ay ating sayawin
Himig ng puso sabay nating awitin
Ang Good News ni Misis
“Matutuwa ka sa ibabalita ko!”
Ang wika sa text ng kabiyak ni Pedro
Kaya’t nang matapos ang kanyang trabaho
Buong pananabik na umuwi ito
“Honey ano ba ang ibabalita mo?”
Ang kaagad na tanong sa misis nito.
At ang sagot – “Magiging tatlo na tayo.”
At Pedro’y sumigaw, “Yes tatay na ako!”
“Teka muna sweetie, ika’y maghinay-hinay.
I don’t mean na ikaw na’y magiging tatay
Tayo’y magiging tatlo dito sa bahay
Kasi dito titira ang aking nanay.”
Makulit na Mister
Isang gabing maulan… ubod ng lamig,
Ang kawawang mister… hindi nakatiis
Ang buntis na misis biglang kinalabit –
“Honey, gising, alaga ko’y nangungulit.”
“Naku sweetie, iyong ipagpaumanhin.”
Ang sagot ng misis na malambing.
“Bukas kasi OB-Gyne ko’y dadalawin,
Dyahe kapag may naiwan doong something.”
Bumangon ang mister inis na inis,
Pinilit mag-relax at siya’y nag-isip,
Bumalik sa kama at tinanong ang misis,
“Bukas ba honey pupunta ka sa dentist?”
Kumpareng Baby
“Sino itong Baby na nagte-text sa ‘yo?”
Tanong ng GF sa BF na palikero.
“Aking giliw, lalaki ‘yan, kumpare ko.”
Sagot ng BF sa GF na nagtatampo.
“Si pareng Baby ‘yan, kabarong barako.”
Ang paliwanag ng batikang bohemyo
“Alam mo namang ikaw lang ang mahal ko,
Ako giliw ay pagkatiwalaan mo.”
“O ano nga pala ang isasagot ko?”
Ang tanong ng GF sa BF nito.
“Kasi ‘di na daw tuloy ang lakad ninyo,
Biglang nagka-mens ang kumpareng Baby mo.”
Salamin
Aking salaming nakasabit sa dingding,
Samo ko ay laging ibulong sa akin,
Na dungis ng iba bago ko punahin,
Uling sa mukha ko muna ang linisin.
Turuan mo nga akong maghunos-dili,
Na h’wag perpekto kung tignan ang sarili.
Pagsabihan ako na h’wag magmapuri,
Isiping ako ma’y pwedeng magkamali.
Sabihin mong wala akong karapatan
Na kapwa ko tao ay aking pulaan,
Dahil ako ma’y maraming kakulangan –
Pagkatao ko’y tadtad sa kapintasan.
Sa tuwing kita’y lalapitan sa dingding,
Paalalahanan ako oh salamin
Na sariling buhay ko’y dapat ayusin
At h’wag buhay ng may buhay ang punahin.
Sana’y tulungan mo akong unawain,
Na oras akin lamang sasayangin
Kung kakulangan ng iba’y laging papansinin
At pagkakamali nila ang laging hahanapin.
Pilitin mo namang ituro sa akin
Na galit sa puso’y hindi ko kimkimin,
Na inggit sa limot lagi kong ilibing,
Na kapwa-tao’y lagi kong unawain.
Oh salamin ako’y paalalahanan
Na dapat saliksiki’y tamang katwiran
Na kung tamang landas… aking dadaanan
Panginoong Diyos ako’y gagabayan.
Huli Na Ang Lahat
(Mula sa kantang “When I Was Your Man” ni Bruno Mars)
Kamang higaan ko biglaang lumuwag
Walang katabi’t sa aki’y yumayakap
Kanta natin noon na dulot ay galak
‘Pag ngayon nadinig ako’y naiiyak
Tuwing pangala’y sumasagi sa isip
Magugunita naglaho mong pagibig
Walang magagawa kundi ang pumikit
Luha’y aagos lugami ang dibdib
Kung yakap sa iyo’y aking hinigpitan
Kung panahon ko sa iyo’y inilaan
Kung ng bulaklak kita ay hinandugan
Baka sakaling ako’y ‘di mo iniwan
Nakalimutang kita’y pahalagahan
Pinabayaa’t hinayaang masaktan
Natiis na magdusa’t mata’y luhaan
Kaya’t nagpasya ka na ako’y iwanan
Nang mawala ka kita’y pilit hinanap
Ninais kong sa iyo’y magpaliwanag
Nanalanging hindi pa huli ang lahat
Tanggapin muli ako at mapatawad
Sa pasyalan natin kita’y pinuntahan
Nagbakasaling doo’y matagpuan
Sa nasumpungan labis akong nasaktan
Yakap ka ng iba’t masuyong hinahagkan
M.A.D. LIGAYA
M.A.D. L I G A Y A 