(Inspired by Air Supply’s “Come What May”)

Palaisipan akong mahirap arukin
Isang suliranin na dapat lutasin
Sakit sa ulo na mahirap liripin
Ngunit siya ako’y kayang unawain

Sa mga sandaling ako’ nahihibang
Siya’y nasa tabi’t ‘di ako iiwan
Kapag ako’y nagapi ng karuwagan
Nang tapang sa kanya ako’y humihiram

Inibig ako nang walang agam-agam
Pagtangi niya’y walang gamit na sukatan
At kaylan ma’y hindi ako hinusgahan
Kapintasa ko’y pinagkibit-balikat lang

Kapag hinampas ng alon ng kahinaan
Lumilisan ako nang walang paalam
Basta ako’y kanya lamang hahayaan
Batid niyang siya’y aking babalikan

Sa tulirong isip siya ang katinuan
Sa bugtong ng buhay siya ang kasagutan
Kamay niya’y mahigpit nang hahawakan
Habang buhay ako’y ‘di na bibitawan

(A poem inspired by Vandross’ “I’d Rather”)

Tila naubos ang pulot sa sisidlan
Ngiting matamis biglang naging matabang
Tala man sa mata’y nawala ang kinang
Nanlamig mong kamay ayaw nang hawakan

Lito ako’t nagpasyang ika’y lisanin
Pilit na tinuldukan ang kwento natin
Ngunit nang ikaw ay malayo sa akin
Naging marubdob sa puso ang panindim

Pumasok ako sa pintuang bumukas
May ngumiti at sa akin ay yumakap
Siya’y ‘di ikaw kaya’t dagling lumabas
Aamining ikaw ang aking hinahanap

Mas nanaisin pala na kamay mo’y hawak
Kasinglamig man ng nyebe ang iyong palad
Hindi baleng ngiti mo sa tamis ay salat
Dulot nito sa puso’y walang hanggang galak

Mas nanaising nasa gitna ng dagat
Hampas-hampasin man ng along mataas
Handang magpaduyan sa hanging malakas
Basta’t kasama kitang hawak ang layag

Heto’t naninikluhod sa ‘yong harapan
Nakapinid na puso’y muli mong buksan
Kapag nang patawad ‘di mo gagawaran
Mas nanaising mapag-isa na lamang

Don’t smile
To shroud the pain
To conceal the strain

Don’t smile
To stop the bleeding of the heart

Smile not
Neither to cloud a sore
Nor to veil the real score

Offer not your smile as a gift…
Grinned from the cheeks of a Greek

Don’t wear it as a facade
…a dangerous camouflage

Pick not your smile
From the vines of sore
Let it fall
From the tree of joy

Breeze whistles
Branches creak
Leaves rustle

Birds sing
Crickets chirp
Beasts scream

Love you said was a roller coaster
Treacherous switchback it bestrides
Swirled up and twisted you under
You grinned and cried but loved the ride
Cried the tears of pain and delight
Just ride again when love rolls down
By then you know the twists and turns
Buckle up in delight be drowned
Before downwards the ride returns
Expect the many ups and downs
Expect the twizzles and the twines
When spun and twirled never whine
Sit tight never ever let go
Hold still and roll on with the flow

Winika ni Balagtas ating balikan
Pag-ibig daw labis makapangyarihan
Kapag pinana’t sa puso’y tinamaan
Utak ay lumilipat sa talampakan

Wika nila’y kapag tumibok ang puso
Pupungay ang mata tutulis ang nguso
Lutang at tulala parang tinotoyo
Nagiging pasaway tumitigas ang bungo

Kapag umibig lahat ay sasawayin
Mga bilin ni nanay ‘di papansinin
Upang ang kasintahan ay makapiling
Mataas man ang bakod ay aakyatin

Basta’t ang pag-ibig ay masunod lamang
Basta’t kasama mahal na kasintahan
Tatakas at lahat ay tatalikuran
Kakalimutan maging mga magulang

Animo’y bawal na gamot ang pag-ibig
Kapag tinamaan ka’y t’yak na maaadik
Harangan ka man ng sibat o ng kampit
Bisig ng sinta mo’y yayakaping pilit

Kaya’t kapag umibig ay kaiingat
Hangin ang pag-ibig ika’y ililipad
Minsan ay dadalhin ka sa alapaap
Minsan ay sa batuhan ka ibabagsak