Muling Mahalin

sad

(Mula sa kantang “Here I Am” ng Air Supply)

Kahit anong gawi’y hindi mapigilan
Na ang nakalipas muli kong balikan
Ala-ala mo’y naging aking kulungan
Ako’y sawing aliping sunud-sunuran

Tamis ng halik mo sa labi’y tumatak
Heto’t ramdam ko pa mahigpit mong yakap
Bakit ganito kahit saan sumulyap
Mata ko’y ikaw ang tanging hinahanap

Pinilit na kita’y sa limot ilibing
Ang mawala ka’y tinangka kong kayanin
Ngunit nang ika’y malayo na sa akin
Mundo ko’y tumigil biglaang dumilim

Mabuhay nang wala ka’y aking sinubukan
Sinikap kong tanggapin ang iyong paglisan
Ngunit ala-ala mo’y ayaw akong iwan
Tinik itong bumaon sa aking isipan

Pangungulilang paigting nang paigting
Pinipilit man ay di ‘na kakayanin
Mahirap mabuhay nang di ka kapiling
Naninikluhod akong muli mong mahalin

%d bloggers like this: